LIGJET E BIZNESIT
Gjatë këtyre ditëve të tensionuara pas ngjarjes së rëndë të 26 nëntorit, u falenderuan kontribuesit për të prekurit nga tërmeti, por askush nuk falenderoi gazetarët, ata të cilët transmetuan pamjet në kohë rekord dhe në gadishmëri për çfarëdolloj situate.
Ditën e sotme, Presidenti i Republikës, Ilir Meta bëri një falënderim të veçantë për gazetarët dhe stafet e tyre, për punën e tyre palodhur për pasqyrimin e kësaj tragjedie që goditi vendin.
“Falenderoj të gjithë gazetarët e terrenit, operatorët dhe stafet teknike mbështetëse për raportimin e saktë dhe në kohë reale ditë-natë, në kushte aspak të lehta, të situatës tepër të rëndë dhe të pasojave tragjike në jetë njerëzore dhe prona, që la pas tërmeti i tmerrshëm i 26 nëntorit”, tha Meta.
Kreu i shtetit inkurajoi gazetarët të tregojnë seriozitet në punën e tyre dhe shtoi se nxitimi për të dhënë i pari lajmin të mos përdoret për të sulmuar mediat kritike.
“Duke i inkurajuar mediat të vazhdojnë të tregojnë seriozitet dhe përmbajtje maksimale në raportimin e lajmeve, me qëllim shmangien e informacioneve të paverifikuara, besoj se në kuadrin e kësaj gjendjeje të jashtëzakonshme, çdo pakujdesi si pasojë e nxitimit për dhënien e lajmit të fundit, të mos përdoret si pretekst për të sulmuar apo mbyllur media kritike”, shtoi Ilir Meta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
