Lajmërim i rëndësishëm/ Si të përfitoni strehimin në hotel nëse banesa u është dëmtuar nga tërmeti

Ndërsa nuk ka ende asnjë bilanc për dëmet e mëdha të shkaktuara nga tërmeti i 26 nëntorit, ndërkohë që kemi 51 viktima, problemi që kërkon zgjidhje tani është strehimi i banorëve që janë në qiell të hapur.

Deri më tani situata duket kaotike sa i përket shpërndarjes së ndihmave dhe strehimit në hotele, për të cilën qeveria ka nxjerrë edhe një udhëzim të shkurtër.

Për të gjithë ata banorë që janë të interesuar të shkojnë në hotel, duhet të mbajnë parasysh këto hapa:

1. Drejtohuni tek njësia administrative.

2. Merrni vërtetim me vulë nga administratori që ndërtesa juaj është e pabanueshme dhe keni nevojë për strehim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

3. Me vërtetimin paraqituni tek bashkia tek sporteli.

4. Nga bashkia do të niseni në mënyrë të organizuar drejt hotelit.

Për të gjithë ata që kanë ngelur në mes të katër rrugëve për shkak të dëmtimit të shtëpive janë vendosur në dispozicion qendra sociale, çadra dhe hotele.