13 ditë nga përplasjet me IKMT-në dhe policinë, banorët e Astirit paralajmërojnë protestën tek Prokuroria e Tiranës

Pas aksionit të 12 nëntorit ku IKMT-ja prishi 30 ndërtesa në zonën e Unazës së Re, banorët kanë paralajmëruar për ditën e nesërme një protestë. Ata pritet të mblidhen rreth orës 11 e 30 të paradites para kishës te Rruga e Kavajës për të marshuar më pas drejt Prokurorisë së Tiranës.

Sipas tyre prishja e shtëpive është pjesë e një afere korruptive dhe do t’ju kërkojnë ndalimin e punimeve. Pak ditë më parë ka qenë edhe ish-deputeti i PD-së, Agron Shehaj i cili ka denoncuar parregullsitë në një nga korsitë e rrugës.

Banorët e Unazës së Re kanë më shumë se një vit që protestojnë duke kundërshtuar projektin e Unazës së Re, nga Pallati me Shigjeta te Ish-Sheshi Shqiponja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern