Festimi me gjest ushtarak ndaj Shqipërisë, UEFA nis hetimet për Turqinë

Festimi i golit të Kombëtares turke në minutat shtesë në ndeshjen përballë Shqipërisë mund t’i kushtojë shumë asaj. Kjo pasi festimi i sulmuesit Tosun me shokët ishte një dorë e vendosur në kokë në stilin ushtarak.

Duket se festimi ishte në mbështetje të aksionit ushtarak të Turqisë kundër Sirisë, por në futboll këto gjëra janë të ndaluara. Për këtë ka folur edhe kreu i zyrës së shtypit në UEFA, Filip Tounsend, i cili është shprehur se një veprim i tillë ndalohet nga rregullorja.

“Personalisht nuk e kam parë atë gjest, i cili sidoqoftë mund të duket si një provokim. A e ndalon rregullorja këtë për referencat politike dhe fetare? Sigurisht që po, mund t’iu garantoj se do ta shqyrtojmë këtë situatë. Do të filloj ta kontrolloj”, u shpreh Tounsend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern