“Është p.. i mirë lali” shfrytëzonin të miturën për prostitucion, në pranga 2 tutorët, në kërkim një tjetër

Ditën e sotme policia e Korcës ka arrestuar dy persona me akuzën për shfrytëzim prostitucioni dhe ka shpallur në kërkim një tjetër.

Gjithashtu është proceduar në gjendje të lirë një 41-vjecare, pronare e lokalit ku shfrytëzohej edhe një e mitur.

Ky operacion i uniformave blu erdhi pas denoncimit në emisionin investigativ “Stop” ku mbrëmjen e djeshme u publikuan pamjet se si një 16-vjecare, nënë e një foshnje 6 muajsh shfrytëzohej nga këta persona për prostitucion.

NJOFTIMI ZYRTAR I POLICISE

Pas denoncimit të rastit në emisionin investigativ “Stop”, ndalohen dhe procedohen 4 shtetas për veprat penale “Shfrytëzimi i prostitucionit me të mitur” dhe “Mbajtja e lokaleve për prostitucion”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Specialistët e Seksionit për Trafiqet e Paligjshme në Drejtorinë Vendore të Policisë Korçë, duke marrë shkas, nga rasti i transmetuar në datën 15.10.2019, në emisionin investigativ “Stop”, bënë ndalimin e shtetasve Dh. K, 53 vjeç dhe L.D, 33 vjeç.

Gjithashtu shpallën në kërkim shtetasin R.T, 19 vjeç, banues në Korçë, si edhe filluan procedimin penal në gjendje të lirë ndaj shtetases K.K., 41 vjeçe, banuese në fshatin Boboshticë, Korçë, pasi në bashkëpunim mes tyre, kanë shfrytëzuar për prostitucion një shtetase të mitur, në lokalin e 41-vjeçares.

Materialet në ngarkim i kaluan Prokurorisë pranë Gjykatës të Shkallës së Parë Korçë, për veprime të mëtejshme.