Arrihet marrëveshje e re për ‘Brexit’ mes Britanisë dhe BE / Johnson dhe Juncker shtrëngojnë duart

Ekipet negociuese në Mbretërinë e Bashkuar dhe Bashkimit Europian kanë arritur një marrëveshje të re për Brexit.

Marrëveshja u arrit përpara një takimi të liderve europianë në Bruksel.

Lajmi ka bërë jehonë tashmë në të gjitha mediat ndërkombëtare, ku dhe vetë Jean Claude Juncker e ka bërë publike këtë marrëveshje në rrjetet sociale.

Kur ka një dëshirë, ka dhe një marrëveshje – dhe ne kemi një. Eshtë një marrëveshje e ndershme dhe e balancuar ndërmjet BE dhe UK dhe është një testament për angazhimin tonë për të gjetur zgjidhje. I rekomandoj Këshillit të BE të mbështesë këtë marrëveshje” shkruan Juncker.

Marrëveshjen e ka pranuar publikisht edhe vetë Kryeministri britanik Boris Johnson. “Tani I takon parlamentit që të miratojë të shtunën në mënyrë që të vazhdojmë me prioritetet” shkruan Johnson

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Johnson dhe Juncker u kanë kërkuar parlamenteve të tyre përkatëse që të mbështesin marrëveshjen.