LIGJET E BIZNESIT
Kryetari i Partisë Demokratike Lulzim Basha, gjatë bashkëbisedimit me gazetarët në selinë blu, është pyetur prej tyre se a do të ishte i gatshëm të ulej me kryeministrin Rama në një diskutim për krizën politike.
Basha tha se ai, PD dhe gjithë opozita e bashkuar kanë pranuar ftesën e faktorit ndërkombëtar për t’u ulur më 9 qershor në tryezën e diskutimit, por ka qenë vetë Edi Rama, që sipas tij, ka refuzuar dialogun, pasi donte të kapte pushtetin lokal.
“As unë, as PD dhe as opozita e bashkuar, nuk kanë qenë pengesa për dialogun politik për t’i dhënë fund krizës. Dua ta përsëris për të gjithë shqiptarët, PD dhe unë i kemi thënë “PO” propozimit të ndërkombëtarëve për t’u ulur më 9 qershor. Ai që ka refuzuar është Edi Rama, sepse donte të kapte pushtetin lokal me një pushtet monist dhe kriminal, siç duket qartë nga provat dhe nga raporti i OSBE/ODIHR.
Nëse ju lejojnë bëjani pyetjen kryeministrit pse refuzoi ofertën e faktorit ndërkombëtar për zgjidhjen e krizës? Sepse nuk është as PD, as unë dhe as opozita shkaktari për refuzimin e asaj ftese, por është vetëm Rama”, tha Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
