LIGJET E BIZNESIT
Ambasadori austriak në Shqipëri Johann Sattler i është përgjigjur letrës së Voltana Ademit, e cila kërkonte që Shkodra të qeverisej nga një Komision Evropian.
Me anë të një statusi në rrjetet sociale, Sattler thotë se Shqipëria nuk është në vitin 1913, por është një vend që synon të hapë negociatat me Bashkimin Europian. Ai shton se vendet e BE janë të hapura për bisedime por nga ana tjetër duhet aftesi për të zgjidhur problemet politike.
“Të hapur për të diskutuar por 2019 nuk është 1913. Shqipëria synon të hapë negociatat me Bashkimin Europian. Kjo kërkon aftësinë për të zgjidhur problemet politike. Dhe për këtë nevojiten dy palë. Sezoni i konfliktit duhet ndjekur nga sezoni i zgjidhjes së konflikteve. Shqiptarët duan të shkojnë me pushime me një mendje të qetë”, shkruan ambasadori në Tëitter.
Kujtojmë se ditën e djeshme kryetarja e Bashkisë Shkodër Voltana Ademi me anë të një letre publike i është drejtuar ambasadorëve të BE dhe SHBA në Shqipëri, duke u shprehur se nuk do të lirojë zyrën për asnjë të emëruar nga kryeministri Edi Rama.
Ajo shtoi se kishte vetëm një kusht për të lënë bashkinë dhe kjo do të ndodhte në rast se ngrihej një Komision Europian Administrimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
