LIGJET E BIZNESIT
Vijojnë denoncimet e shumta të qytetarëve në lidhje me gjendjen e mjeruar dhe papastërtinë në det në plazhet shqiptare.
Ndotja, e cila tashmë është bërë alarmante, ka filluar të vihet re edhe nga turistët e huaj, të cilët edhe pse zgjedhin të pushojnë në Shqipëri, nuk mund të mos përballen me pamje shpeshherë dramatike, siç është ajo e videos së mëposhtme.
Një qytetar pushues në plazhin publik në qendër të Himarës, ka dërguar në redaksinë e Fast News Albania, shqetësimin e tij për ndotjen e detit.
Ai shprehet se prej 10 ditësh ndotja është në nivele aq të larta, sa ka bërë që edhe turistët e huaj të largohen të lemeritur që aty.
“ Me shumë mundësi bëhet nga jahtet, skafet dhe peshkarexhat të cilat derdhin vajrat apo dhe mbetjet e WC-ve, është shumë turp pasi disa të huaj dolën të lemerisur nga deti, është cudi që asnjë institucion përgjegjës nuk ndërhyn”, shkruan qytetari në denoncimin e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Natyrisht duhen marrë masa urgjente, por për aq kohë sa autoritetet përkatëse në qeveri që mbulojnë këtë sektor heshtin, pasojat vit për vit do të jenë fatale për turizmin në vend.
Edhe ata turistë që huaj që zgjedhin me kënaqësi të pushojnë në Shqipëri dhe të paguajnë shifra të majme që herë pas herë kalojnë dhe shumën 100 euro nata, me siguri vitin tjetër do të duhet të mendohen dy herë, pasi nuk ia vlen që përpos kostove monetare të paguash edhe kosto më të rënda, siç mund të jetë pasojat shëndetësore si ajo e infeksioneve nga ndotja. / Fast News Albania
