LIGJET E BIZNESIT
Ministri i Jashtëm në Detyrë Gent Cakaj ka dalë sot në një deklaratë për mediat, nga ku ka komentuar vendimin e Këshillit të Europës për t’i tërhequr vëzhguesit nga zgjedhjet lokale.
Në fjalën e tij, Cakaj e cilësoi këtë vendim që ka ardhur si rezultat i një përpjekjeje dashakeqe të opozitës për delegjitimuar procesin zgjedhor.
Ministri në detyrë tha se rreziku i sigurisë për të cilën KiE ka deklaruar se nuk do marrë pjesë në zgjedhje vjen nga partitë opozitare dhe se sipas Kongresi i Autoritetit Lokale të Këshillit nuk shprehet për ligjshmërinë e zgjedhjeve.
“Këshilli i Europës nuk ka mbajtur asnjë deklaratë për mohim të së drejtës për ushtrimin e zgjedhjeve të 30 qershorit. Kjo shfaqe padituri elementare dhe dashakeqësi me një përpjekje për të deligjitimuar procesin zgjedhor. Arsyeja që paralajmëron ajo organizatë sidoqoftë është rreziku që vjen në disa bashki nga disa parti që kanë braktisur kuvendin. Dhuna është ushtruar nga opozita jashtë parlamentit. Protestat e opozitës së bashkuar kundër reformës në drejtësi nuk kanë shfaqur vetëm shfrenim të dhunës. Ato kanë treguar se nëse duan që dhuna të ndalet, ajo do ndalet menjëherë. Sipas kongresit zgjedhjet duhet të mbahen. OSBE dhe ODHIR kanë vendosur vëzhguesit e tyre. Ato janë shprehur vazhdimisht kundër dhunës kundër opozitës. Kjo mbase është një nevojë jetike për Shqipërinë. SHBA, BE dhe OSBE por edhe vetë KiE kanë pranuar 30 qershorin si datë për zgjedhjet lokale të 30 qershorit. Ata kanë thënë se zgjedhjet duhet të jenë paqësore”, tha Cakaj.
“Kongresi nuk bën asnjë deklaratë për ligjshmërinë e zgjedhjeve dhe kjo nuk ka të bëjë me pyetjen nëse dhe kur do të mbahen zgjedhje. Pra prirja për të siguruar legjitimitetin nëpërmjet një organi këshillues brenda KiE është përfaqje e një politike që ka humbur prej kohësh marrëdhënien me të vërtetën. Vetë deklarata e kongresit mes të tjerash nënvizon se arsyeja e mosardhjes së vëzhguesve është rreziku i mundshëm në disa zona zgjedhore. Rreziku i sigurisë në Shqipëri është një rrezik që vjen nga parti me adresë politike që kanë braktisur kuvendin dhe pasi janë izoluar nga bota duan të rrënojnë edhe shtëpinë e tyre”, shtoi ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
