LIGJET E BIZNESIT
Opozita paralajmëron përgjime të tjera nga gazeta gjermane “Bild” edhe më skandaloze nga ato që janë publikuar deri më tani.
Ish-deputetja e Partisë Demokratike Oriola Pampuri e ftuar në programin e mbrëmjes në Ora News, ka deklaruar se kryeministri Edi Rama nuk ka një akt dorëheqje sepse ai është i dehur nga skandalet.
“Një njeri që përfshihet në skandalet vjen një moment që ndihet i dehur nga skandalet dhe nuk kupton më se çfarë po bën. Dhe Kryeministri është në këtë fazë.Kemi një sërë përgjimesh dhe kryeministri jo vetëm nuk jep dorëheqjen,por edhe thotë se do të vepronte përsëri kështu.Është i dehur nga deliri prej skandaleve që ai dhe bashkëpunëtorët e tij janë përfshirë”, u shpreh Pampuri.
Për ish-deputeten, dy dosjeve të nxehta duhet tu kishte dhënë përgjigje prokuroria, por Shqipëria siç thotë ajo, nuk është shtet ligjor.
“Shqipëria nuk është më shtet ligjor por shtet policor. Në një shtet ligjor të gjitha ato përgjime duhet ti merrte në hetim prokuroria. Arta Marku, mikesha e Ulsi Manjës, një ndër bashkëpunëtorët e ngushtë të bandave që janë përfshirë në shitblerjen e votave në Dibër sot është kryeprokurore”, shtoi ish deputetja Pampuri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas ish-deputetes,e vetmja zgjidhje për krizën politike ku ndodhet vendi është largimi i Kryeministrit, ndërsa përsëriti vendosmërinë e opozitës për të mos lejuar zgjedhje me 30 qershor.
“Me 30 qershor nuk do të lelojmë të ketë zgjedhje, shqiptarët duhet të kenë një sistem pluralist. Në çdo vend që Edi Rama do të shkelë do të përballet me qytetarë që nuk lejojnë që ai të shkelë ligjin dhe Kushtetutën, nuk do të lejojnë që ai të shkelë një dekret që thekson se me 30 qershor nuk ka zgjedhje. jo do të jetë përballja e Edi Ramës këtë javë me qytetarët shqiptarë”, tha Pampuri.
