Rama përmend Bujar Nishanin, e krahason me Metën: Të paktën mbahet mend për mirë

Kryeministri Edi Rama nga foltorja e Kuvendit sot ka folur me tone të ashpra për presidentin Ilir Meta.

Duke e akuzuar për anulimin e zgjedhjeve vendore, Rama e ka krahasuar Metën me ish-presidentin Bujar Nishani dhe u shpreh se ai nuk e ka vendosur kushtetutën në shërbim të partisë së tij në marrëveshjen e vitit 2017.

“Presidenti jo vetëm që nuk mund ti heqë popullit nga kushtetuta dhe ligji por nuk ka të drejtë të vendosë asgjë, zero. Përvec asaj që i thotë kushtetua. 2 vjet më parë kur arritëm marrëveshjen me Bashën. Parardhësi i Ilir Metës, Bujar Nishani na e kërkoi me firma dakordësinë për shtyrjen e afatit me 1 javë të zgjedhjeve.

E vërteta duhet të thënë edhe kur nuk mund të mos na vijë për mbarë. Nishani nuk e interpretonte kushtetutën sipas erës së partisë, asnjëherë nuk ia vuri kushetutën edhe firmën e tij në dispozicion të axhendës politike. U desh që të bëhej Ilir Meta president që, Bujar Nishanin presidenti më partiak ta kujtojmë sot për mirë.

U desh të bëhej Ilir Meta që libri i historisë botërore të fusë aktin e çfirmosjes. U desh Ilir Meta që jo vetëm fjalët t’i marrë era . U desh të bëhej president Meta që historia e filozofisë të përballet me një histori befasuese. Të gjithë filozofët grekë janë rrotulluar në varret e tyre kur u ka ardhur ky absurd”, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern