LIGJET E BIZNESIT
Shkarkim për kryetarin e bashkisë së Vau Dejës, Zef Hila. Është ky propozimi që ministri i Brendshëm, Sandër Lleshaj do t”i bëjë qeverisë. Vendimi vjen një ditë pas djegies së materialeve zgjedhore në KZAZ nr. 6 në Vaun e Dejës.
Ministri Lleshaj ka dalë para mediave dhe paralajmëroi se të njëjtin fat do të kenë të gjithë kryebashkiakët, të cilët do të lejojnë punonjësit e bashkisë të sillen si forca të dhunshme paramilitare për të penguar zgjedhjet e 30 qershorit.
“Për arsye të një serie shkeljesh të rënda të detyrës dhe të ligjit të cilat kulmuan mbrëmë me sulmin ndaj KZAZ nr 6 të realizuar nga punonjës të bashkisë Vau i Dejës, kryetari i saj do të shkarkohet sot nga detyra me propozim të ministrit të Brendshëm.
Të njëjtin fat do të ketë cilido që autoritetin e kryebashkiakut do ta përdorë për të penguar zgjedhjet duke lejuar punonjësit e bashkisë të sillen si forca të dhunshme paramilitare”, u shpreh Lleshaj.
Ministri i Brendshëm Sandër Lleshaj nënvizoi se zgjedhjet e 30 qershorit do të mbahen në të gjithë Shqipërinë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lidhur me vendimin e ministrit të Brendshëm ka reaguar kryetari i bashkisë së Vaut të Dejës. Në një prononcim për Tv Ora News, Zef Hila deklaron se nuk është në dijeni.
“Unë jam kryetar i bashkisë së Vau Dejës. Nuk kam asnjë informacion zyrtar. Këtë lajm e dëgjova nga kolegët tuaj. Bashkia Vau Dejës në çdo protestë ka qenë shumë paqësore. Unë personalisht dënoj aktet e dhunës, dhe çdo veprim që është i kundraligjshëm”, u shpreh ai.
Hila thotë se nuk ka qenë fare prezent në incidentin e ndodhur dje mbrëmë në KZAZ nr 6
“Unë nuk kam qenë prezent. Nuk kam asnjë lloj informacioni sepse protesta është organizuar nga shoqëria civile dhe dega PD dhe nuk kam qenë pjesë e organizimit dhe nuk kam qenë as prezent në protestë. Edhe ministri apo kushdo tjetër është disinformuar”.
Po a do i lejojë të votojë qytetarët më 30 qershor “Është e drejtë e qytetarëve., patjetër që do i lejojmë të votojmë”, deklaron kryetari i bashkisë së Vaut të Dejës.
