LIGJET E BIZNESIT
Protesta e Opozitës ka filluar dhe të gjithë janë duke tubuar drejt kryeministrisë me thirrjet “Rama Ik”. Në këtë fillim që duket i qetë ka ardhur dhe një mesazh i presidentit, Ilir Meta. Në një mesazh të shpërndarë për mediet, kreu i shtetit apelon për një tubim të qetë.
Meta shton në mesazhin e tij se zgjidhja e kësaj krizë që ka mbërthyer politikën shqiptare mund të zgjidhet vetëm me anë të dialogut.
“Presidenti i Republikës Sh.T.Z Ilir Meta çmon se e drejta për të protestuar është e drejtë themelore dhe jetike për demokracinë.
Presidenti Meta thekson rëndësinë që protesta e sotme e Opozitës së Bashkuar të jetë tërësisht paqësore, larg çdo akti dhune, si dhe u bën thirrje protestuesve të vetëpërmbahen dhe të përqendrohen në kauzën për zgjedhje të lira dhe të ndershme.
Presidenti i Republikës beson se zgjidhja e krizës do të vijë vetëm përmes dialogut dhe bashkëpunimit, dhe se ai do të vazhdojë pandërprerë përpjekjet e tij në këtë drejtim”.- thuhet në deklaratën e presidentit Meta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
