Djali i Olldashit mesazh të fortë për të gjithë politikën

Glauk Olldashi, djali i ish-ministrit të ndjerë, Sokol Olldashi në kohët e fundit ka filluar të angazhohet me Partinë Demokratike.

I kthyer në Shqipëri në vitin e fundit, Glauk Olldashi mbështet Opozitën dhe sot ka publikuar një postim në rrjetin social, facebook, ku çon disa mesazhe të forta për politikën shqiptare dhe më veçanërisht për Mazhorancën.

Në fund ai bën thirrje që të tejkalohen ndasitë dhe shqiptarët të bashkohen për Shqipërinë

“Të kërkosh pacenueshmërinë e lirisë së votës do të thotë të kërkosh respektimin e sistemit demokratik, në themelet e të cilit qëndron kontributi i të gjithë demokratëve, që ditën të rrëzonin sistemin më të egër totalitar. Krimi më i madh që na ka bërë kjo qeveri është vjedhja e idealit. Dhe, në qofte se nuk bashkohemi, gjaku e lotët tanë e i paraardhësve tanë do shkelet! Në vitet ‘90, Shqiptarët jetonin në skamje, ama diskutohej dhe luftohej për ideale. Sot diskutohet vetëm mirëqenia personale dhe idealet janë harruar. Dua t’i bëj thirrje të gjithë shqiptarëve, të mëdhenj e të vegjël, të majtë e të djathtë: të harrojmë ndasitë e të bashkohemi për veten tonë, për familjet tona e për Shqipërinë tonë!”,- shkruan Glauk Olldashi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern