“Del ky thotë shpëtova popullin” Rama tregon se kush e informoi Metën për përplasje më 30 qershor

Sot kryeministri Edi Rama ndodhet në një takim me elektoratin në Maliq, në kuadër të fushatës elektorale për zgjedhjet vendore të 30 qershorit.

Gjatë fjalimit të tij ai ka shigjetuar vazhdimisht opozitën duke hedhur akuza ndaj drejtuesve dhe presidentit Ilir Meta.

Rama rrëfen se Meta sipas tij merr informacione nga filxhani i bashkëshortes së tij Monika Kryemadhi se do të ketë përplasje dhe anulon zgjedhjet.

‘Ku janë këtu kushtet për konflikt, që populli të ngrihet të mbrojë Lulin, Ilirin, Saliun dhe fallxhoret. Këto janë blofe nga njerëzit që besojnë më shumë filxhanin, që nga Ilir Meta që anulon zgjedhjet në mes të zgjedhjeve, njësoj sikur të anullojë Gëzimi ndjeshjen e futbollit këtu në Maliq. Thotë se kam burime të besueshme, domethënë filxhani. Informacionet e Metës për përplasje vijnë nga filxhani i fallxhores. Shoh një 8 këtu në filxhan, me shumë siguri do jetë 8 qershori, ky gjarpri do hajë me siguri kokën e një personi dhe dil e shpëtoje. Del ky e thotë shpëtova popullin nga gjakderdhja. S’ka asnjë gjakderdhje vetëm llumderdhje’, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern