LIGJET E BIZNESIT
Edhe në ditën e përkujtimit të dëshmorëve të atdheut nuk janë ndalur sulmet mes aktorëve politik në vend. Përmes një postimi në rrjetet sociale, nënkryetari i LSI-së, Petrit Vasili ka ironizuar fjalimin e kryeministrit Edi Rama në ditën e dëshmorëve të kombit. Për Vasilin, fjalimi i Ramës në këtë 5 maj ishte si një pjatë supe e varfër përpara. Ish-deputeti ka publikuar në rrjetet sociale disa shënime të kryeministrit Rama, në të cilat ai ndan një mendim totalisht ndryshe nga ai që shprehu në fjalimin e sotëm.
Përvec komentit të tij, Petrit Vasili publikon edhe shënimet e kryeministrit Rama për Luftën Antifashiste Nacional Çlirimtare.
“Edi Rama nga Reflesionet tek supa e varfer te Xibraku!!
Sot Edi Rama me nje pjate supe te varfer perpara,mban fjalime per deshmoret dhe luften perpara familjeve te deshmoreve,qe rane per atdhe.
Çfare hipokrizie e madhe dhe çfarë shperdorim i turpshem.
Por cfare jane deshmoret dhe gjaku i tyre per Edi Ramen?
Por çfare eshte per Edi Ramen Lufta Antifashiste Nacional Clirimtare?
Per Edi Ramen gjaku i 28 mije deshmoreve ka qene gjak i rreme.
Per Edi Ramen Lufta Antifashiste Nacional Clirimtare ka qene thjesht nje Lufte Civile.
Lexojeni çfare shkruante Edi Rama ne 1992 ne Librin Refleksione per deshmoret :
“U ulëm të zbërthenim mitologjinë e 28 mijë dëshmorëve.
Gjaku i rremë në themel të kolltuqeve nisi tërmetin“.
(Edi Rama dhe Ardian Klosi, “Refleksione“, Shtëpia botuese “Albania“,Tiranë1992,f. 7.
Ja cfare vazhdon e thote me tej po Edi Rama per Luften Antifashiste Nacional Çlirimtare:
” Duhet pranuar më në fund hapur që lufta kundër okupatorit degjeneroi në një luftë të përgjakshme civile… shkaktare e së cilës ishte Partia Komuniste Shqiptare e drejtuar nga emisarët jugosllavë».
Histeria e luftës për pushtet që kishte projektuar gjenerali Enver Hoxha dhe marrja e pushtetit me dhunë që ka qenë thelbi i çdo lëvizjeje komuniste, është shkaku i vetëm që ajo luftë kundër okupatorit degjeneroi në luftë civile. Pra çështja e pushtetit është argumenti që zbulon edhe shkakun e tradhtisë që komunistët i bënë demokracisë dhe kombit shqiptar. Prandaj dhe nuk kanë asnjë kuptim thirrjet për harresë dhe për mbyllje dosjesh, kur nuk janë zgjidhur problemet kardinale si Lufta Civile, terrori ndaj inteligjencës e ndaj klerit menjëherë pas luftës dhe në faza të mëvonshme, terrori ndaj rezistencës së organizuar antikomuniste deri në periudhën 1952-1953, qëndrimi ndaj emigracionit politik”.
Ja cfare vazhdonte e shkruante ne Refleksione po Edi Rama,qe mban sot fjalime dhe qeveris partine socialiste :
“Denoncimi pa kompromis i veprimtarisë kriminale të PPSH-së deri në nxjerrjen e saj jashtë ligjit është i vetmi shteg nga duhet të kalojë PSSH-ja për të fituar të drejtën e qytetarisë në shoqërinë e ardhshme shqiptare”.
Cdo qytetar sot e ka shume te qarte se ç’perfaqeson politikisht e moralisht Edi Rama.
Sot cdo i majte e kupton shume qarte se si ai e perdor e shperdor si pazarxhi, Luften Antifashiste Nacional Çlirimtare,emocionet dhe ndjeshmerite qe lidhen me te.
Te gjithe shqiptaret pavaresisht bindjeve politike e kane shume te qarte, qe Edi Rama nuk ka kauze,nuk ka parime,nuk ka sinqeritet,por perkundrazi ka shume mllef dhe urrejtje per te shkuaren,qe eshte me vlera te forta dhe njeherazi eshte edhe pasqyre e antivlerave te Edi Rames.”-shkruan Petrit Vasili në facebook.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
