LIGJET E BIZNESIT
Ministri i Brendshëm i Italisë, Matteo Salvini është kërcënuar të martën përmes një zarfi me plumb të dërguar në adresë të tij. Megjithatë, në reagimin e tij Salvini ka deklaruar se nuk i trembet askujt dhe është shprehur i bindur për suksesin e radikalëve në zgjedhjet europiane.
Një zarf me një plumb të kalibrit 9 milimetra është dërguar në adresë të numrit dy të qeverisë italiane, Mateo Salvini. Sipas mediave lokale, zarfi është lokalizuar në një qendër postare në Romë dhe është sekuestruar nga ekspertët e eksplozivit të policisë italiane. Lajmin e kanë konfirmuar burime pranë Ministrisë së Brendshme të Italisë, sipas të cilave zarfi kishte ngritur dyshime tek punonjësit e postës për shkak të mungesës së vulës postare dhe adresës së një dërguesi, shkruan abcnews. Përveç plumbit, në zarf nuk kishte asnjë mesazh dhe asnjë sigël për marrjen përsipër të aktit të kërcënimit.
Duke reaguar ndaj lajmit, vetë ministri Salvini, njëkohësisht zëvendës kryeministër, ka deklaruar se nuk ndihet i trembur dhe se do të vazhdojë punën e tij.
“Më tepër sesa tek një politikë shpesh herë hipokrite besoj tek solidariteti i miliona italianëve që do të shprehen me votë ditën e diel”, ka thënë Salvini.
Ai i është referuar këtu zgjedhjeve euro-parlamentare, në të cilat pritet të ketë një epërsi të elementëve populistë. E tillë është edhe partia e tij Liga e Veriut, e njohur për qëndrimin kundër emigrantëve dhe kundër ekzistencës së Bashkimit Europian, që sipas tij është një institucion i vdekur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
