Dosja 339/ Krahas Vangjush Dakos, do të merret në pyetje dhe shtabi i PS në Durrës

Para dy ditësh kryetari i Bashkisë Durrës Vangjush Dako është marrë në pyetje për 5 orë në Prokurorinë e Krimeve të Rënda për “Dosjen 339”.

Në kohën që hetimet për këtë çështje vijojnë, do të ketë persona të tjerë që do të merren në pyetje.

Ata janë drejtuesit e shtabit elektoral të Partisë Socialiste, të angazhuar në fushatë për zgjedhjet e vitit 2017.

Vangjush Dako u mor në pyetje ditën e enjte nga dy prokurorët Dritan Premçi dhe Vladimir Mara nga ora 15:00 e deri në 20:00.

Kryetari i Bashkisë së Durrësit ka thënë se persona të ndryshëm mund t’i kenë ofruar para votuesve por ai vetë nuk ka qenë në dijeni apo ta ketë aprovuar këtë veprim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ana tjetër nga përgjimet e kryera rezulton se Dako ka folur në telefon njëherë me një anëtar të grupit Avdulaj, Altin Avdulaj i njohur ndryshe me pseudonimin “Niçe”.