Aksident tragjik në Shkodër, makina përplas për vdekje të moshuarin që ecte me motoçikletë

Një aksident tragjik ka ndodhur mesditën e kësaj të diele në aksin rrugor Shkodër-Lezhë. Në vendin e quajtur, kryqëzimi i Gjadrit një automjet ka përplasur një motoçikletë dhe për pasojë një 36-vjeçar ka ndërruar jetë.

Mësohet se mjeti me drejtues shtetasin A.H., 36 vjeç, banues në Shkodër është përplasur me një motoçikletë me drejtues shtetasin N.Gj., 76 vjeç, dhe pasagjere shtetasja N.Gj.,75 vjeçe, banues në Lezhë. Makina ka qenë me shpejtësi dhe për pasojë ka ndërruar jetë drejtuesi i motoçikletës me inicialet N.Gj. Sakaq bashkëshortja e tij, 75-vjeçarja me inicialet N.GJ ka mbetur e dëmtuar dhe është transportuar në spitalin Rajonal në Lezhë ku ndodhet nën kujdesin mjekësor në gjendje të rëndë shëndetësore.

Ndërkohë policia pasi mbërriti në vendin e ngjarjes ka bërë shoqërimin e drejtuesit të mjetit në polici dhe po punohet për sqarimin e rrethanave të aksidentit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern