LIGJET E BIZNESIT
Një tjetër video është publikuar sot në lidhje me grabitjen e ndodhur dy ditë më parë në Rinas, ku furgoni me mbishkrimin “Hetimit Tatimor” me 4 persona brenda tij arriti të hynte lehtësisht brenda aeroportit.
Në një video të publikuar nga Syri.net shihet momenti kur grabitësit presin zinxhirin dhe heqin bllokun e betonit, dhe më pas futen qetësisht në pistë. E gjithë siguria e Rinasit është çmontuar nga grabitësit për vetëm 1 minutë, pasi aq u është dashur që të futen në pistën e avionëve.
Kujtojmë që grabitja spektakolare ka ndodhur pasditen e së martës në pistën e aeroportit të Rinasit, ku u vodhën 10 milionë euro. Një makinë pa targa mbi të cilën shkruhej “Hetimi Tatimor” vodhi shumën e parave që do të transportohej në më pak se 2 minuta.
Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit dyshohet se ka pasur edhe një shkëmbim zjarri mes autorëve dhe policisë, ku ka mbetur i vrarë Admir Murataj, i cili njihet si ‘truri’ i grabitjeve. Gjatë grabitjes, Murataj mbante veshur një maskë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
