M’u dhimbse “Patriot”!

Nga Erion Softa

Në këto ditë të paqarta të politikës shqiptare, duke ndjekur aksionin politik të opozitës, m’u shfaq edhe Shpëtim Idrizi, duke bërë një marrëveshje me koalicionin opozitar. Doja të sqaroja se personalisht mendoj se opozita është në rrugën e vet politike dhe i uroj sukses.

Për ironi, pas pamjeve ku kreu i PDIU-së firmoste, m’u shfaq Dulja i PBDNJ-së duke bërë të njëjtin veprim. Instiktivisht m’u kujtuan fjalët që ke thënë për Dashin e Havasë.
Ç’nuk volle atëherë?!

U shpjegove çamëve sesi vota për Dashin ishte votë për Vangjel Dulen.
U shpjegove sesi Dulja e kishte blerë Dashin.
U shpjegove sesi Dashit i duhej bërë harram “klumshin e nanës”.
Sot “Patriot” është koha t’i gëlltisësh ato që volle.
M’u dhimbse “Patriot” se sot ishe i sterrosur.
M’u dhimbse “Patriot” se sot ishe i vetëm.

M’u dhimbse “Patriot” se duhet të sqarosh se ç’bën me Dulen në një “sufra”. M’u dhimbse “Patriot” se sot je peng i atyre, që të detyrojnë çfarë të bësh në jetën tënde politike.
M’u dhimbse “Patriot” se tashmë çamët të njohin.
M’u dhimbse “Patriot” se sot nuk të bën derman askush.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

M’u dhimbse “Patriot” se sot bëre një krim që uroj të jetë i fundit. Sot detyrove Shoqatën Çamëria të jetë në një “sufra” me Dulen.Për të gjitha sa thashë, koha do të të kujtojë si një batakçi politik, që ndoshta mëshira e çamëve do të ta falë, por kjo që i bëre Shoqatës Çamëria, shtëpisë sonë të përbashkët, do të të ndjekë e do të të turpërojë gjithmonë!