Granata vret vëllanë e plagos motrën në Bulqizë, mediat e huaja shkruajnë për ngjarjen e rëndë

Pasditen e djeshme në fshatin Koçaj, Fushë-Bulqizë, një fëmijë humbi jetën dhe motra e tij mbeti e plagosur nga shpërthimi i një granate.

Djali 11-vjeçar mbeti i vdekur në vend, ndërsa vajza 9 vjeçe u nis me urgjencë me helikopter drejt Spitalit të Traumës në Tiranë.

Burime tregojnë se vëlla e motër, po kullosnin bagëtitë pak metra larg shtëpisë, në afërsi të përroit të fshatit.Ata kanë djegur disa ferra e shkurre për t’u ngrohur. Mes shkurreve ndodhej granata, që dyshohet të jetë hedhur aty që prej vitit 1997.

Madje edhe mediat më të rëndësishme ndërkombëtare kanë shkruar për ngjarjen e rëndë të ndodhur dje. “Associated Press” shkruan se vogëlushi ndërroi jetë në vend pas shpërthimit të një granate, kurse e motra 9 vjeçe u plagos.

Gjithashtu, rrjeti ndërkombëtar “Yahoo” e ka vendosur këtë lajm si ndër ngjarjet më të bujshme të ndodhura në botë në 24 orët e fundit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern