Grabitja në Rinas, personi i vrarë dyshohet të jetë Admir Murataj

Pas grabitjes së 10 milionë eurove dje pasdite në Aeroportin e Rinasit, sot burime kanë treguar se kufoma e gjetur pas konfliktit me policinë, mund të jetë ai i shtetasit Admir Murataj, por nuk është konfirmuar ende zyrtarisht.

Emri i Muratajt nuk është i panjohur për drejtësinë dhe veçanërisht për prokurorinë e Krimeve të Rënda.

Kjo e fundit e akuzonte si kreu i grupit kriminal, që realizoi 3 grabitje të bujshme, 2 prej tyre pikërisht në Rinas dhe me një skenar të ngjashëm.

SIpas A2 CNN, në grabitjen e djeshme, persona të maskuar dhe të armatosur me kallashnikovë dhe granata mundën të depërtojnë në pistë duke marre thasët e parave që do të transportoheshin me avionin e Austrian Airlines.

Gjatë shkëmbimit të zjarrit me policinë mbeti i vrare dhe një prej grabitësve, që dyshohet të jetë pikërisht Adimir Murataj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern