“Air Albania” në ajër! Nisin fluturimet zyrtare nga Tirana në Stamboll

“Ngrihet në ajër” Air Albania. Kompania nisi dje në mbrëmje fluturimin e parë zyrtar nga Tirana për në Stamboll.

Në faqen zyrtare të Aeroportit të Rinasit, në orarin e nisjeve është listuar fluturimi me numrin “ZB 1003” që është dhe kodi ndërkombëtar i “Air Albania”.

Fluturimi i parë drejt aeroportit të ri të Stambollit ka qenë të premten në orën 20:55.

Avioni i parë i “Air Albania”, i cili ka marrë certifikimin pranë Autoritetit të Aviacionit Civil (AAC) sipas kërkesave të kuadrit ligjor vendas dhe direktivave të Bashkimit Europian, do të pasohet nga një avion i dytë, i cili do të ketë si destinacione aeroportin e Romës, të Milanos, të Bolonjës dhe të Londrës.

“Air Albania”, me modelet më të fundit të avionëve është e para kompani ajrore e flamurit tonë dhe e para kompani ajrore me kapital publik brenda saj, në bashkëpunim me “Turkish Airlines”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern