LIGJET E BIZNESIT
Partia Demokratike dhe LSI kërkuan rreth 1 muaj më parë shkarkimin e Kryeprokurores Marku, pas skandalit të publikuar se një nga anëtarët e KLP, Bujar Shehi, ka qenë pjesë e strukturave të sigurimit të shtetit.
Por anëtërët e KLP-së, u shprehën se kërkesa e opozitës për shkarkimin e Markut, është jashtë kompetencave të tyre dhe se ka natyrë administrative.
“Kërkesa e opozitës për shkarkimin e kryeprokurores është jashtë kompetencave tona sepse ka natyrë administrative” – kanë thënë anëtarët e KLP, ditën e premte.
Kreu i KLP-së, Gent Ibrahimi, në një sqarim drejtuar PD-LSI, shkruan se e drejta për nisjen procedimit disiplinor i takon Inspektoratit të Lartë të Drejtësisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“E drejta për nisjen e procedimit disiplinor ndaj Prokurorit të Përgjithshëm i takon Inspektorit të Lartë të Drejtësisë dhe se deri në përfundim të mandatit të Kolegjit të Apelimit procedimet disiplinore kundër Prokurorit të Përgjithshëm shqyrtohen nga Kolegji i Apelimit dhe jo KLP.
Sipas PD-LSI, “Arta Marku është e ngarkuar me detyrë nga ligji që të verifikojë integritetin e figurës për të gjithë ata që kandidojnë për Këshillin e Lartë të Prokurorisë, por në rastin e Bujar Sheshit nuk e ka përmbushur këtë detyrim ligjor ”, thuhet në letër.
