Pak momente më parë raportohet se ka të shtëna me armë zjarri pranë burgut të Peqinit.
Sipas raportimeve paraprake, bëhet me dije se i plagosur ka mbetur një punonjës i Burgut.
Mësohet se punonjësi i burgut të Peqinit i cili ka mbetur i plagosur mbrëmjen e sotme është Idajet Paja. 41-vjeçari kryente detyrën e instruktorit të qenëve.
Burime nga policia për Fast News Albania bëjnë të ditur se punonjësi i burgut ka qenë Brenda rrethimit të burgut dhe se të shtënat kanë ardhur nga jashtë rrethimit.
Mësohet se punonjësi i burgut ka marrë plagë të lehtë dhe se është jashtë rrezikut për jetën. Sipas hetimeve të deritanishme, i plagosuri nuk rezulton të ketë konflikte apo të jetë i përfshirë në ndonjë konflikt të mëparshëm.
Ndërsa drejt Burgut të Peqinit u nisën drejtuesit më të lartë të Policisë së Shtetit.
Peqin/Informacion paraprak
Më datë 28.04.2020, rreth orës 19.40, është lënduar lehtë dyshohet nga një plumb qor, shtetasi I.P, 41 vjeç, punonjës i IEVP Peqin, i cili pas ndihmës së parë mjekësore, ndodhet në institucionin ku punon dhe po merret në pyetje nga Grupi Hetimor.
Në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë.
Grupi Hetimor vijon punën nën drejtimin e Prokurorisë për zbardhjen e rrethanave të ngjarjes.
