LIGJET E BIZNESIT
Shkarkimi nga detyra i Drejtorit të Policisë së Fierit Albert Nushi, nuk lidhet me performancën e tij në punë, por me incidentin që ndodhi në Fier ditën e viztës së Kryeministrit Edi Rama. Në datën 8 mars Kryeministri Rama ishte duke udhëtuar drejt Fierit, ku kishte një takim me gratë në këtë qytet. Por, një protestë e paparlajmëruar bëri që eskorta Ramës të ndryshojë rrugë, pasi qytetarët bllokuan kalimin e çdo lloj makine.
Ndryshimi i intenerarit e ka nervozuar Kryeministrin aq sa kërkoi personalisht informacion, se pse Policia nuk kishte marrë masat. Gazeta Mapo mëson ekskluzivisht se Policia e Fierit nuk kishte informacion për ndonjë protestë dhe shumica e oficerëve ishin shpërndarë në terren sipas planit mujor, ku ishin në aksion për kanabisin, vjedhjen e energjsë dhe ndërtimet pa leje. Pikërisht ky fakt nuk është pranuar nga Kryeministri Rama, i cili i ka kërkuar Ministrit të Brendshëm Sandër Lleshaj, shkarkimin e Albert Nushit.
Albert Nushi është telefonuar disa orë pas incidentit nga Drejtori i Policisë Ardi Veliu, ku i ka kërkuar shpjegime se përse nuk ishte Policia në dispozicjon të Kryeministrit. Nushi është justifikuar duke i thënë se kishte anagzhuar disa patrulla policie ku do kalonte eskorta e Ramës dhe nuk kishte informacion për protestat.
Mospërgatitja e Policisë së Fierit dhe ndryshimi i intenerarit të eskortës së Ramës, ka bërë që Ardi Veliu një ditë pas incidentit të shkarkojë nga detyra Drejtorin e Policisë Fier, Albert Nushin dhe e ka transferuar atë në postin e zv.drejtorit në Elbasan. Në kryje të Policisë Fier është komanduar Andon Marko.
Pavarsisht se shkarkimi i Albert Nushit nga Policia e Fierit u tha si një ndryshim rutinor, ajo lidhet direkt me incidentin që pati Kryeministri Edi Rama, ku eksorta u detyrua të ndryshonte rrugë. Vet Kryeministri ka kërkuar përgjegjësit për këtë incident dhe shkarkimin e tij nga detyra.
Vetëm një ditë pas incidentit të eskortës së Ramës, Albert Nushi u shkarkua si Drejtor i Policisë Fier./Mapo
