Ekzekutimi i dy vëllezërve tronditi Durrësin, Artan Hoxha zbardh detajet e rënda: U ndoqën për 1 kilometër, sa mbërritën në Shënavlash u qëlluan nga dy drejtime me 55 plumba

Gazetari investigativ Artan Hoxha në një lidhje direkte me emsionin “Opinion” thotë se atentati ndaj dy vëllezërve në Durrës pasditen e sotme ishte një atentat tipik mafioz.

Më tej Hoxha shprehet se dy viktimat janë ndjekur për 1 kilometër që nga servisi i tyre dhe sapo kanë mbërritur në Shënavlash pranë tregut të makinave, janë qëlluar me breshëri kallashnikovi nga dy drejtime.

Deklarata e Hoxhës:

“Është një atentat tipik mafioz. Në të gjitha rastet kur është bërë një atentat i ngjashëm në Durrës, nuk janë zbuluar autorët. Atentati ndaj Edison Harizaj, një atentat në Shkozet kur u qëllua me kallashnikov ndaj një Range Roveri. Atentati ndaj prokurorit Ndoja dhe atentati i sotëm.

Viktimat fillimisht janë ndjekur nga servisi i tyre për një distancë për një kilometër. Në momentin që kanë mbërritur në tregun e makinave në Shënavlash janë qëlluar nga dy drejtime. Në vendngjarje janë gjetur 55 plumba. Pra janë goditur në dy drejtime, njëri ka qëlluar njërin prej vëllezërve dhe tjetri vëllanë tjetër.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern