Keni aplikuar për kartë identiteti ose pasaportë? Del njoftimi: Ja oraret kur mund ti tërhiqni

Një njoftim i rëndësishëm vjen për  të gjithë personat që kanë aplikuar për kartë identiteti dhe pasaportë biometrike.

Mësohet se orari për të tërhequr këto dokumente është  zgjeruar dhe me dy orë të tjera, pra nga ora 08.00 me 16.00.

Lajmin e ka bërë të ditur zv.ministrja e Brendshme Rovena Voda,me anë të një videomesazhi ka thënë se orari i punës do të jetë nga ora 08:00-16:00 dhe jo më deri në 14:00, siç ishte në dy javët e para.

“Qytetarët lajmërohen përmes një sms-je për orarin që duhet të paraqiten në zyrat e aplikimit për të tërhequr pasaportat apo kartat e identitetit, por ju lutem duhet të respektoni dhe masat mbrojtëse, sipas mesazhit që ju vjen në telefonin tuaj. Qytetarët duhet të jenë të pajisur me maska mbrojtëse, doreza dhe të ruajnë distancën në zyrat ku paraqiten për kartat e identitetit apo pasaportat.

Gjatë këtyre dy javëve fashat e orarit kanë qenë 08:00 deri në 14:00, por do tashmë duke nisur nga kjo javë, fasha e orarit do të nisi në orën 08:00, deri në 16:00 në mënyrë që të kemi mundësi për t’u gjendur më pranë qytetarve dhe brenda një afati të shkurtër për të shpërandarë sasinë e mbetur e të kartave të identitetit dhe pasaportave.

Ju lutem qytetarëve të respektojnë masat mbrojtëse pasi vetëm nëse ky proces do të përfundojë me sukses do kalojmë në një fazë të dytë për rinisjen e aplikimit apo rinovimit të dokumenteve biometrikë”, tha Voda.