Një sherr masiv ka ndodhur në qytetin e Fierit mbrëmjen e sotme. Ngjarja ka ndodhur në qendër të qytetit, ku në sherr janë përfshirë dy të rinj që udhëtonin me një makinë tip “ Benz” me targa AA 600 MU.
Këta persona i kanë zënë pritë një tjetër personi që udhëtonte me një makinë “Opel” me targa AA 683 EO, ku udhëtonte një djalë i shoqëruar me një vajzë.
Nga “Benzi” kanë dalë dy djemtë dhe me një cekic kanë goditur dritaren e “Opelit” duke thyer xhamin e shoferit.
Në vendngjarje ka mbërritur menjëherë patrulla e policisë.Burime nga vendi i ngjarjes thanë se njëri nga dy të rinjtë është punonjës policie, ndërsa sherri dyshohet se ka ndodhur për arsye banale.
