LIGJET E BIZNESIT
Mesditën e sotme kryeministri Edi Rama ka ndarë me të gjithë ndjekësit një lajm të keq.
Bëhet fjalë për një djalë me koronavirus por pa simptoma, që ka thyer rregullin duke dalë nga Tirana në një zonë tjetër të vendit, ku jetojnë dy prindërit e tij të moshuar.
Më pas këta të fundit kanë rezultuar të prekur me COVID19.
Sipas kryeministrit i riu është punonjës te 313 dhe ka infektuar prindërit e tij të moshuar në fshatin Vel Mirditë.
Kreu i qeverisë shprehet se ky shembull duhet të vlejë si mësim për të gjithë.
REAGIMI I PLOTE I KRYEMINISTRIT RAMA
NJË LAJM I KEQ NGA TESTIMET E DJESHME, QË DUHET TË VLEJË SI MËSIM PËR TË GJITHË??
Djali me Covid19, pa simptoma, thyen rregullin e del nga Tirana drejt një zone tjetër të vendit, ku jetojnë dy prindërit e tij të moshuar. U shkon prindërve në shtëpi dhe u transmeton bombat në trup! Prindërit dalin të dy pozitivë dhe jo vetëm mosha, po edhe shëndeti i tyre problematik, i kthen në pacientë me jetën në rrezik!!!
Natyrisht që për djalin do të nisin hetimet dhe ai mund të ndëshkohet jo vetëm administrativisht, po edhe penalisht, por si mund t’u bëhet një “peshqesh” i tillë njerëzve më të dashur në botë?!
A e kuptoni se kjo nuk është lojë?! A e kuptoni se në këtë luftë, kush shkel rregullat nuk ia hedh shtetit, po ia fut vetes dhe familjes së tij?! A e kuptoni se ne jemi potencialisht armiku vrastar i prindërve tanë, nëse nuk respektojmë rregullat, duke u sjellë si karagjozë të papërgjegjshëm me veten, me prindërit, me familjen e me shoqërinë?!
Lus Zotin që ata dy pleq të mos ikin nga kjo botë e të mos mbeten pishmani i jetës së atij djali të papërgjegjshëm dhe ju lutem të gjithëve: M?S! M?S! M?S!
? STOP ME HILET E ME KARAGJOZLLËQET, SEPSE MUND TË BËHENI MOSOZOT
