Kryetari i Partisë Demokratike Lulzim Basha ka folur së fundmi edhe për faktin nëse opozita do ti rikthehet protestave pas stabilizimit të situatës nga koronavirusi.
I pyetur në lidhje me këtë, Basha u shpreh se kjo është e vetmja rrugë për kthimin në normalitet.
Kështu, ai e ka lënë të hapur mundësine e organizimit të protestave, pasi sipas tij opozita në këto 30 vjet ka bërë manifestimet më të mëdha që janë parë ndonjëherë në Shqipëri.
Ai ka thënë se mund të bëhen dhe protesta me distancim social , të cilat janë mbajtur dhe në Poloni së fundmi.
Megjithatë, kryedemokrati nuk e konfirmoi plotësisht, duke u shprehur se planin e publikon PD.
‘Absolutisht mund të organizohen protesta si në Poloni me distancim social. Shqiptarët e kanë kuptuar që çfarë po bën qeveria, si në një nga shkollat kur i hoqi licensën pasi e akuzoi për panik. Pas një javë doli dhe foli për arkivole.
Njerëzit as nuk i nxjerr dhe as nuk i fut opozita. Sigurisht që opoizta ka thërritur në këto 30 vite protestat më të mëdha, por planin e publikon vetë Partia Demokratike’, u shpreh Basha.
