“Shumë ndjesë për kohën e marrë”/ Rama ndan lajmin e mirë për të gjithë ata që nuk kanë marrë ende pagën e luftës

Kryeministri i vendit Edi Rama me anë të një komuniki live me qytetarët në rrjetin social “Facebook” deklaroi se ditën e nesërme do të kryen edhe 8 mijë verifikimet e fundit, duke përmbyllur fazën e parë të pagës së luftës.

Kreu i Qeverisë tha se nga faza e parë janë refuzuar kërkesat e 65 mijë individëve, të cilët përfshihen në paketën e zgjeruar, me 40 mijë lekë.

Deklarata:

“Sot ka shkuar në 52 mijë numri i atyre që kanë përfituar pagën e luftës. Dhe deri ditën e premte kryhen rreth 8 mijë verifikimet e fundit që mbyllin fazën e parë. Shumë ndjesë për kohën e marrë, por ishte e domosdoshme. Për dy fazat e tjera nuk do të ketë asnjë vonesë, asnjë problem e pritje pasi do të kalojë automatikisht në afatet e caktuara. Ndërkohë janë 65 mijë individë që janë refuzuar dhe që janë ankuar se pse u refuzuan. Por nuk hynin në kategoritë e pagesës së parë, të cilëve do iu mbërrijë deri në nesër konfirmimi në e-mail, nga paketa e zgjeruar, pasi janë tek ato kategori që mbulon paketa e zgjeruar me 40 mijë lekë. Tatim-fitimi për bizneset e vogla për 2020 është falur. Sigurimet e Tvsh do paguhen.”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern