Të rinjtë e PD me pankarta thumbuese për deputetët, hedhin kapsolla dhe gurë në Parlament

Të rinj të Partisë Demokratike janë mbledhur para godinës së Kuvendit me në duar pankarta thumbuese për deputetët e rinj që kanë marrë mandatin.

Ndërkohë, disa persona kanë hedhur gurë dhe kapsolla në oborrin e godinës së Kuvendit, që nga selia e Partisë Demokratike që është ngjitur.

Forcat e policisë kanë vendosur tela me gjemba pas derës së hekurit që ndan selinë e PD dhe të Parlamentit, ndërsa aty është vendosur edhe një autobot me ujë prej nga punonjësit e policisë herë pas here hedhin ujë në drejtim të anës tjetër për të zmbrapsur personat që ndodhen atje.

Edhe pse nuk ishte paralajmëruar asnjë protestë e opozitës si kundërpërgjigje për seancën parlamentare, sërisht erdhën reagime nga kjo e fundit. Sakaq, kryedemokrati Basha gjendet në Dibër për një takim me qytetarët.