Mësohet se koronavirusi nuk ka kursyer as median në Shqipëri, duke infektuar një gazetar.
Lajmin e ka bërë të ditur sot në komunikimin zyrtar drejtoresha e Institutit të Shëndetit Publik Albana Fico, duke thënë se gazetari ndodhet në gjendje të mirë shëndetësore, i vetëizoluar në shtëpi dhe po monitorohet nga mjeku i familjes.
Ndërkohë ajo nuk ka dhënë asnjë informacion në lidhje me identitetin e tij.
“Kemi një rast që po monitorohet. Është në gjendje të mirë, i vetëzoluar dhe po monitorohet nga mjeku i familjes”, deklaroi Fico.
Ende nuk dihet mënyra se si është prekur gazetari, por paraprakisht dyshohet se e ka marrë gjatë raportimit te Spitali Infektiv.
