Shqipëria e ka kaluar pikun e Covid-19 që në muajin shkurt? Rama: Rezultatet janë fantastike, ja çfarë pritet të ndodhë në vijim

Kryeministri i vendit Edi Rama në një lidhje të drejtpërdrejtë me “News24” ka komentuar përfundimet e epidemiologëve se piku i virusit vdekjeprurës ka kaluar që në muajin shkurt dhe se tashmë kurba e të prekurve është në gjendje të qëndrueshme.

Deklarata e Kryeministrit Rama:

Nuk jam unë që të them se kur ka qenë piku. Unë iu besoj shumë epidemiologëve. Rezultatet janë fantastike. Rezultatet janë shembullore, të përballjes se numrit më minimalist të humbjes së jetëve dhe barrës së vuajtjes së plagëve shëndetësore. Është ndërtuar procesi në këtë fluks me hapat e duhur dhe vendimet e duhura. Këto masa i ka marrë qeveria, por i ka propozuar komiteti. Është vullneti i qytetarëve për ti ekzekutuar. Se kemi dëgjuar nga Komitetit i ekspertëve që piku është kaluar në shkurt dhe s’po dëgjoj se e kemi kaluar pikun. Tani jemi tek kurba e sheshtë. Nëse keni parasysh aty, tek vendet e tjera, si Japonia, ajo kishte pika të ulta në kurbë. Ne s’duhet të suprizohemi me rritjen e kurbës, por të bashkëjetojmë me virusin dhe të futemi në llogore nëse ka rritje të shifrave.”