Hashim Thaçi shtrohet me urgjencë në spital

Një lajm i papritur vjen nga politika e Kosovës.

Mësohet se presidenti Hashim Thaçi, është shtruar mesditën e sotme në Klinikën e Urologjisë, ku po trajtohet për problemet me gurë në veshka

Ndërkohë sipas zyrës së presidentit, gjendja e tij raportohet e stabilizuar.

“Presidenti i Republikës së Kosovës, Hashim Thaçi, pas shqetësimeve të shfaqura nga gurët në veshkë, sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional”, thuhet në deklaratë.

Thaçi ka shprehur mirënjohje për kujdesin e treguar nga personeli shëndetësor i Qendrës Klinike Universitare të Kosovës.