Artan Hoxha nxjerr pamjet e rënda: Qëndrojnë me ditë të tëra në trotuar, pa i lëvizur kush (VIDEO)

Gazetari i njohur investigativ Artan Hoxha ka publikuar së fundmi një video me pamje të rënda.

Bëhet fjalë për qytetin më të madh të Ekuadorit, Guajaquil ku me qindra njerëz vdesin rrugët e qytetit dhe nuk ka kush ti varrosë.

Sipas Hoxhës autoritetet janë dorëzuar, pasi nuk kanë jo vetëm vend në spitale për t’i mjekuar nga Covid-19 por as kapacitete për t’i varrosur në varreza publike.

Pamje apokaliptike, kufoma që nxirren nga familjarët e tyre në rruge ose trotuare, herë në arkivole dhe here të mbështjellë me cfarë të mundin, batanije, plasmas etj, në pritje që makinat e funeralit të bashkisë t’i marrin dhe t’i largojnë që aty. Të vdekur që qendrojnë me ditë të tëra ne trotuar, pa i lëvizur kush.
Fillimisht autoritetet mbushen morgun në pritje të hapjes se varreve”, shkruan Hoxha në një postim në rrjetet sociale.

Ndër të tjera Hoxha u bën thirrje qytetarëve të mos e marrin aq lehtë këtë situatë dhe sipas tij, motoja më e saktë është “panik jo, frike po”.

“Prandaj njerëz, pavarsisht kush na ka rënë në hise të na qeverisë këto kohë, mos e merrni aq lehtë. Pavarësisht propagandës qeveritare, të gjithë ne e dimë se po u bëmë për spital, me shumë shanse kemi të shkojmë në varreza se sa të kthehemi prej andej të gjallë”, mbyll mesazhin e tij gazetari i njohur.