LIGJET E BIZNESIT
Pas hapjes ditën e sotme të grupit të parë të bizneseve që shihet si një masë lehtësuese për fillimin e daljes nga situata e koronavirusit, ka ardhur dhe reagimi i kryeministrit Edi Rama.
Në një njoftim të fundit ai thekson se nëse do të gjenden bizense të hapura, jashtë urdhrave të Ministrisë së Shëndetësisë do të ketë penalizime për të gjithë.
Gjithashtu kreu i qeverisë deklaron se nëse do të vijojë kjo ecuri e deritanishme e përhapjes së COVID-19 do të njoftohet shumë shpejt në ditët në vijim për një hapje të mundshme të një blloku tjetër biznesesh gjatë javëve të tjera.
REAGIMI I PLOTE I KRYEMINISTRIT EDI RAMA
KUJDES! KONSTATOJMË SE KA DYQANE JOUSHQIMORE QË LAJMËROJNË HAPJE PËR NESËR! HAP I NXITUAR NË KUNDËRSHTIM ME LIGJIN ÇDO HAPJE E PAMIRATUAR NGA MINISTRIA E SHËNDETËSISË! BIZNESET E LEJUARA, NË BAZË TË URDHËRIT TË MINISTRES SË SHËNDETËSISË PËR JAVËN E ARDHSHME (20-26 PRILL), JANË TË PUBLIKUARA NË PORTALIN E-ALBANIA, SË BASHKU ME PROTOKOLLET PËRKATËSE TË SIGURISË SHËNDETËSORE.
HAPJA E ÇDO AKTIVITETI TJETËR JASHTË ASAJ LISTE TË MIRATUAR ËSHTË E KUNDËRLIGJSHME. E-ALBANIA DO TË KETË GATI NGA SOT NË MBRËMJE EDHE LEJEN PËR USHTRIM AKTIVITETI NË BAZË TË LISTËS SË MIRATUAR, TË CILËN ÇDO BIZNES DUHET TA DISPONOJË NGA E MARTA E TUTJE PËR USHTRIMIN E VEPRIMTARISË SË VET. JU LUTEM VERIFIKONI në faqen e e-albania nëse biznesi juaj mund të hapet nesër *duke parë ecurinë e përballjes me Armikun e Padukshëm, do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme (27 PRILL – 3 MAJ).
