Rozana Radi është një nga këngëtaret dhe moderatoret më të njohura në Shqipëri.
Së fundmi ajo ka zbuluar një anë të karakterit të saj që ne nuk e dinim më parë.
Rozana ka rrëfyer për herë të parë se vuan nga hipokondria, një sëmundje e cila i shkakton frikën se do të preket nga një sëmundje.
Këta persona që vuajnë prej saj mendojnë që çdo gjë që lexojnë, ose çdo sëmundje e kanë në trup. Këngëtarja shprehet se në këtë situatë, frikërat janë shumuar edhe më shumë.
Të gjitha këto ajo i ka zbuluar në programin “Jo vetëm modë”.
Pjesë nga intervista:
Orinda Huta: Më përpara ke deklaruar që ke qenë e kujdesshme ndaj sëmundjeve, ke një lloj frike të zakonshme.
Rozana Radi: Hipokondria quhet, është një lloj sëmundje që e kalojnë të gjithë studentët e mjekësisë të vitit të dytë fakultet. Të cilët lexojnë shumë dhe ata mendojnë që çdo gjë që ata lexojnë, çdo sëmundje e kanë në trup. Unë këtë e përjetoj gjatë gjithë jetës sime, vazhdoj të mbetem në vit të dytë ne fakultet dhe kjo më bën të ndihem dhe e re në moshë gjithë jetën. Quhet hipokondri dhe po jam hipokondrite.
Orinda Huta: Si ka ndikuar këtë kohë sepse besoj se ka qenë problematike për ty?
Rozana Radi: Janë shumuar frikërat e mia, janë bërë në katror, por megjithatë këto dy ditë që dola, me thënë të drejtën jo se nuk kam qenë e kujdesshme. Më shqetësojnë njerëzit që nuk janë të kujdesshëm, që nuk i ruajnë distancat. Dhe mendoj nëse nuk do të isha një njeri pa simptoma, por do ta kisha kaluar si sëmundje, do mundohesha të ruaja distancat për vetë faktin, se do doja një botë të pastër, pa epidemi, një botë sociale.
