Krijimi i Federatës së mjekëve shqiptarë në Europë është përshëndetur nga kryetari i PD, Lulzim Basha.
Në një postim në rrjetet sociale, kryedemokrati e cilëson këtë nismë si një hap shumë pozitiv.
Më tej ai shton se eksperienca e këtyre njerëzve që drejtojnë dhe punojnë në spitalet më të mira në Europë do të jeta baza nga ku PD do të ngrejë sistemin shëndetësor sapo të vijë në pushtet.
Postimi i Bashës:
Mirënjohje mjekëve shqiptarë anembanë Europës për këtë iniciativë humane për të dhënë ndihmën e tyre, edhe pse punojnë e jetojnë jashtë Shqipërisë.
Urimet më të përzemërta dhe suksese Federatës së sapoformuar të mjekëve shqiptarë në Europë. Nesër ajo do të jetë burim i ekspertizës shqiptare dhe europiane me të cilën do të ngremë në këmbë sistemin tonë shëndetësor. #ditemetemira
