Pse nuk ka asnjë të prekur në Gjirokastër? Ja përgjigja që jep Pëllumb Pipero

Mjeku infeksionist Pëllumb Pipero ka komentuar së fundmi situatën nga koronavirusi në Shqipëri.

Ai ka thënë se trendi i kurbës është tashmë i qëndrueshëm dhe se periudha më e vështirë ka kaluar.

“Besoj fortë se edhe pse ka disa masa lehtësuese nga qeveria, që besoj se do lehtësohen më shumë, kemi nxjerrë disa mësime të rëndësishme. T’i zbatojmë këto masa që ta kalojmë sa më shumë këtë epidemi. Trendi i kurbës është i qëndrueshëm, në rënie, ndonëse ka disa luhatje”, ka thënë Pipero në “Zonë e Lirë”.

I pyetur se përse në qarkun e Gjirokastrës nuk ka asnjë të infektuar, Pipero ka thënë se në këtë zonë janë respektuar të gjitha masat e vendosura.

“Kjo është një sëmundje kryesisht urbane, jo se Gjirokastra nuk është urbane, por ku ka më shumë grumbullime njerëzish, më shumë lëvizje. Atje ku ka më shumë respektim të masave të marra nga qeveria ka më pak raste”, theksoi mjeku i njohur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern