Basha falenderon Hungarinë për maskat anti-COVID: Ndihmë e çmuar në ditë të vështira

Kryetari i Partisë Demokratike, Lulzim Basha ka pritur në një takim ministrin e jashtëm hungarez, Péter Szijjártó për ta falenderuar për ndihmën e këtij vendi ndaj Shqipërisë në kët ditë të vështira.

100 mijë maskat dhe 500 veshjet speciale për stafet mjekësore të ardhura sot nga Hungaria, sipas Bashës janë një ndihmë shumë e çmuar dhe tregues që vendi ynë nuk është vetëm në këto ditë të vështira.

Postimi i plotë i Bashës:

Mirënjohje për Hungarinë, kryeministrin Orban dhe ministrin e jashtëm Péter Szijjártó për ndihmën e çmuar për pajisje mbrojtëse  në këto ditë të vështira për vendin tonë, ku po rritet çdo ditë numri i të infektuarve në rradhët e stafeve mjekësore.

E falenderova personalisht ministrin Szijjártó dhe i kërkova të shohë mundësinë për të ndihmuar edhe më tej Shqipërinë e cila sot po përballet edhe me një krizë të madhe ekonomike, ku papunësia dhe pamundësia e qytetarëve për të siguruar ushqimin e përditshëm rritet cdo ditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk jemi vetëm