“E vetmja pikë ku ka debat janë estetiket”/ Kryeministri Rama: U kërkoj falje grave, ja çfarë po diskutohet

Kryeministri Edi Rama, në një lidhje të drejtpërdrejtë me emisionin “Opinion” listoi aktivitetet me risk të ulët, që priten të hapen që në fashën e parë dhe ato me rrezik të lartë siç janë estetiket dhe se gratë duhet të presin pak për të kuruar pamjen e jashtme.

“Tek bizneset që klasifikohen me risk të mesëm, janë transporti rrugor i pasagjerëve, tregtia me pakicë e mallrave të përdorura, artikuj të tjerë në tregje, shërbime arsimore mbështetëse, tregtia në pakicë në stenda e në tregje, vazhdon kështu një listë të gjatë”, tha Rama.

Po me rrezik të lartë?

“E vetmja pikë ku ka debat janë estetiket. Estetiket është i ndarë gupi i punës nëse janë rrezik i madh ose i mesëm. Iu kërkoj ndjesë të gjitha atyre grave që janë në ankthin e mosndërhyrjes në pamjen e jashtme prej 40 e ca ditësh, unë anoj nga rreziku i mesëm”, tha Rama.

“Tek rreziku i lartë hyjnë restorantet pa delivery, restorantet me delivery do të hapen që në fashën e parë, aktivitetet argëtimit, çlodhëse, arsimi në të gjithë pjesët e veta, aktivitetet sportive, transporti ndërurban”, deklaroi ai.