LIGJET E BIZNESIT
Shteti i parë në Europë që ka vendosur të hapë shkollat është Danimarka.
Kështu, fëmijët janë rikthyer në bankat e shkollës, pasi vendi ka lehtësuar masat për frenimin e përhapjes së koronavirusit.
Mediat e huaja bëjnë me dije se çerdhet, kopshtet dhe shkollat fillore mirëpritën nxënësit që u kthyen sot.
Por rregullat nuk ishin si më parë, pasi fëmijët qëndruan 2 metra larg njëri-tjetrit për të ruajtur rregullat e distancës sociale.
Institucionet arsimore qëndronin të mbyllura që nga data 12 mars dhe ishte qeveria që njoftoi që në fillim të prillit se do të rihapeshin por me kushtin që të gjithë të mbajnë distancë dhe të pastrojnë duart.
Ndërkohë disa prindër duket se nuk e kanë pritur mirë këtë vendim dhe kanë kundërshtuar rihapjen e shkollave, duke firmosur një peticion me 18 mijë firma ku përmenden të gjitha shqetësimet shëndetësore që ata kanë.
