Bilanci i të prekurve nga koronavirusi në Shkodër është shtuar me 6 të infektuar të rinj.
Mësohet se kanë rezultuar pozitiv me koronavirus, mes tyre një infermiere, dhe një punonjës i burgut të Reçit.
4 të tjerë janë qytetarë, raste kontakti. Punonjësi i burgut është polic i togës së shoqërimit në Reç të Malësisë së Madhe.
Polici i burgut ka lidhje farefisnore me të infektuarit në Shirokë, një prej tyre punonjëse e fasonerisë që është pozitive prej disa ditësh.
Kështu, Shkodra ka rritur numrin e të infektuarve me koronavirus. Ndërkohë sa i përket të infektuarve, pesë prej tyre janë ritestuar dhe janë konfirmuar me Covid-19. Ata i përkasin familjes në lagjen Dobraç të Shkodrës.
