Mbrëmjen e djeshme kryeministri Edi Rama ka zgjedhur një publikojë një postim ndryshe.
Bëhet fjalë për një meme-vjershë, të cilin ja dërgon një qytetar, e cila ka nota humori në lidhje me situatën e krijuar nga koronavirusi.
“Pak humor, po jo dhe aq! Kjo punë vajti tamam kështu, luftë për të shmangur një tragjedi dhe kur tragjedia nis e shmanget, fillon komedia e fajësimit të njëri-tjetrit! E natyrisht çdo ditë e më mirë larg tragjedisë, çdo ditë e më shumë ankesa e kërkesa, ju për mua e unë për ju. Do kalojë edhe kjo, qeshni pak me mua duke lexuar këtë meme-vjershë, që sapo më erdhi”, shkruan Rama, teksa poston vargjet e mëposhtme:
Mora pushkën dola malit,
Të luftoja për Atdhe,
Ku ta dija unë i varfri,
Se armiku ishim ne.
Mora pushkën dola malit,
Të luftoja për liri,
Ku ta dija unë i shkreti,
Se armiku ishe ti.
Mora pushkën dola malit,
Të luftoja në furtunë,
Ku ta dija unë i ngrati,
Se armiku isha unë.
