Një nga produktet më të blera në supermarket pas rënies së pandemisë së koronavirusit ishte letra higjenike.
Mirëpo duket se konsumatorët tashmë janë dyndur për të përvetësuar një artikull tjetër që është soda e bukës.
Raftet tashmë po boshatisen pasi njerëzit duken shumë të interesuar për ta blerë.
Sipas “The Huffington Post”, në Spanjë dhe Portugali janë shumëfishuar blerjet e sodës së bukës, pasi doli ligji se njerëzit duhet të qëndrojnë të izoluar në shtëpi.
Një nga arsyet e shitjes në masë së sodës së bukës gjatë izolimit është se ajo mund të përdoret edhe për pastrim. Soda e bukës është një larës shumë i mirë për frutat dhe perimet.
Disa persona e përdorin edhe si dezifektues për sipërfaqet e shtëpisë, në këtë kohë kur higjiena është jetike.
