Një dritë në fund të tunelit vjen nga Italia përsa i përket numrit të viktimave nga koronavirusi.
Për 24 orë janë shënuar 431 viktima, dhe duket se kjo shifër është ulur ndjeshëm në krahasim me ditë më parë.
Të dhënat janë publikuar nga Departamenti i Mbrojtjes Civile.
Ditën e djeshme ishin 619 të vdekur ndaj shifra e sotme shikohet si mjaft optimiste, pasi janë 188 vdekje më pak se një ditë më parë.
Deri më tani numërohen 19.899 viktima dhe në vetëm 24 orë janë infektuar 4.092 persona.
Në total janë 156.363 njerëz të prekur nga koronavirusi i ri.
Ndërkohë janë konfirmuar si të shëruar sot edhe 1.677 njerëz duke e çuar në 34.211 numrin e përgjithshëm të pacientëve që e kanë mundur koronavirusin.
Në terapi intensive në të gjitha spitalet e Italisë gjenden 3.343 pacientë.
Kujtojmë se Italia është nga shtetet më të goditura të Europës nga pandemia e koronavirusit që po kërcënon botën prej muajsh.
